Tai ac adeiladau Pensaernïaeth Gwneuthuriad Dodrefn Diddordebau uchelwyr Statws a herodraeth Dysg a gwybodaeth Gemau Hela Cerddoriaeth Y wledd Bwyd Diod Y drefn ddomestig Gwisgoedd Eitemau o ddillad Ategolion Tecstiliau Maes y gad Arfau Arfwisgoedd Y Rhyfel Can Mlynedd Rhyfeloedd y Rhosynnau Meddyginiaeth Salwch a haint Ffyrdd i wella Meini gwerthfawr Byd amaeth Amaethu Anifeiliaid Crefydd Eglwysi Abatai Guto'r Glyn Ei fywyd Llinell amser Ei gerddi Ei noddwyr

Tai ac adeiladau: Gwneuthuriad Gwaith coed | Gwaith maen | Gwydr lliw Gwneuthuriad Datblygodd gwahanol draddodiadau adeiladu mewn gwahanol rannau o Gymru yn ystod yr Oesoedd Canol diweddar, fel yr eglurodd Peter Smith.[1] Yn y dwyrain a’r Gororau adeiladid tai pren, gan amlaf, gyda fframiau pren ar sylfaen o gerrig, ond yn y gorllewin a ger yr arfordir roedd adeiladau o gerrig yn fwy cyffredin. Rhwng y ddwy ardal hon datblygodd traddodiad o adeiladu tai cyfansawdd a chanddynt fframiau a pharwydydd o bren a muriau allanol o gerrig. To agored mewn tŷ neuadd Cliciwch am ddelwedd fwy Nid strwythuro’r tŷ yn unig oedd pwrpas y fframiau hyn gan eu bod yn cael eu cerfio’n ofalus ac felly’n cynnwys gwaith addurn yn ogystal o fewn tai megis Cochwillan. Roedd nodweddion addurnol eraill tai newydd y cyfnod hwn yn cynnwys y ffenestri gwydr lliw a’r lle tân. Ysblennydd iawn, hefyd, oedd y gwaith maen mewn rhai adeiladau sylweddol megis castell Rhaglan a Cholbrwg. Mae cerddi Guto sy’n canmol Colbrwg, Y Faenor a thŷ Syr Siôn Mechain yn Llandrinio (cerddi 22, 38 a 85) ac sy’n gofyn teils gan Risiart Cyffin ab Ieuan Llwyd (cerdd 61) yn adlewyrchu pwysigrwydd cynyddol y diwydiant adeiladu yng Nghymru. Llyfryddiaeth [1]: P. Smith, Houses of the Welsh Countryside (1988), 72-83

Oni nodir yn wahanol, mae hawlfraint ar gynnwys y wefan hon yn perthyn i Brifysgol Cymru

Dyluniwyd y wefan gan Martin Crampin a'i datblygu y wefan gan Technoleg Taliesin Cyf. ac Alexander Roberts, Prifysgol Abertawe