Hafan
Y Prosiect
Cysylltu

English

Tai ac adeiladau Pensaernïaeth Gwneuthuriad Dodrefn Diddordebau uchelwyr Statws a herodraeth Dysg a gwybodaeth Gemau Hela Cerddoriaeth Y wledd Bwyd Diod Y drefn ddomestig Gwisgoedd Eitemau o ddillad Ategolion Tecstiliau Maes y gad Arfau Arfwisgoedd Y Rhyfel Can Mlynedd Rhyfeloedd y Rhosynnau Meddyginiaeth Salwch a haint Ffyrdd i wella Meini gwerthfawr Byd amaeth Amaethu Anifeiliaid Crefydd Eglwysi Abatai Guto'r Glyn Ei fywyd Llinell amser Ei gerddi Ei noddwyr

Gwisgoedd: Tecstiliau Gwlân | Sidan | Melfed | Du o Lir | Damasg | Ffwr | Brodwaith Ffwr Addurnid gwisgoedd â ffwr, boed ar ymyl y wisg neu fel leinin, a daeth hyn yn arwydd gweledol o statws uchelwrol. Y gair a welir am ffwr yn y farddoniaeth gan amlaf yw gra, sef gair a ddaw o’r Saesneg gris (neu o’r Hen Ffrangeg), ‘a type of grey fur’.[1] Fodd bynnag, daeth i olygu ffwr yn gyffredinol erbyn y bymthegfed ganrif. Roedd ffwr gwyn yn arbennig o ddrud gan nad oedd mor gyffredin â hynny, yn enwedig ffwr wedi ei wneud o gôt aeafol y carlwm neu o ffwr mynfyr. Roedd ffwr gwyn yn cael ei ddefnyddio yn arbennig i addurno ymylon gynau merched. Mae Guto’r Glyn yn disgrifio Elen ferch Robert Pilstwn mewn gwisg wedi ei haddurno â ffwr gwyn: Elen deg o Lëyn dir:  Gwraig, oedd yn gwisgo gra gwyn,  Gruffudd, ben-llywydd Llëyn.  Elen deg o ardal Llŷn: gwraig i Ruffudd prif lywydd Llŷn a wisgai ffwr gwyn. (cerdd 53.26-8) Darlunnir menywod a dynion yn gwisgo dillad wedi eu leinio â ffwr gwyn er mwyn dangos eu bod o statws uchel mewn delweddau cyfoes o lawysgrifau. Roedd ffwr hefyd yn nodi gwisg o fewn rhyw swyddogaeth arbennig, yn enwedig capiau ffwr neu pân, gw. Penwisgoedd. Bibliography [1]: ‘The Oxford English Dictrionary’, s.v. gris. <<<Damasg      >>>Brodwaith

Oni nodir yn wahanol, mae hawlfraint ar gynnwys y wefan hon yn perthyn i Brifysgol Cymru